نیوالے مہینوں میں بڑے زلزلے کا امکان،93 فیصد عمارتیں گر جائیں گی، اسرا ئیلی ماہر

18 مارچ ، 2023

تل ابیب (این این آئی)ایک سینئر اسرائیلی ماہر نے خبردار کیا ہے کہ آنے والے مہینوں میں اس خطے میں بڑا زلزلہ آنے کا امکان ہے۔ یہ اس قدر شدید اور ہولناک ہوسکتا ہے کہ اس سے 93 فیصد عمارتیں منہدم ہوسکتی ہیں، تاہم دوسری طرف حکومت اور مقامی حکام اس متوقع بڑے زلزلے کے حوالے سے تیار ی میں ناکام ہیں۔ میڈیارپورٹس کے مطابق اسرائیل کے سٹیٹ کنٹرولر میتن یاہو اینجل مین نے رپورٹ میں ے نشاندہی کی کہ اسرائیل شامی افریقی حصے کے قریب واقع ہے اور اس وجہ سے ہر سال یہاں بڑے زلزلے کا خطرہ بڑھ جاتا ہے۔ انہوں نے مزید کہا کہ اس بات کا قوی امکان ہے کہ جنوبی لبنان اور جنوبی بحیرہ مردار کے درمیانی علاقے میں اگلے پچاس سالوں کے دوران شدید زلزلہ آئے گا۔ انہوں نے کہا دور دراز کے شہروں میں عمارتوں اور بنیادی ڈھانچے کو مضبوط بنانے کے لیے بڑا بجٹ درکار ہے۔