جغرافیہ نہیں بدل سکتے، پاکستان کیساتھ بہتر تعلقات چاہتے ہیں، بھارتی ڈپٹی ہائی کمشنر

لاہور(نمائندہ جنگ) انڈین ڈپٹی ہائی کمشنر/ چارج ڈی افیئرزڈاکٹر ایم سریش کمار نے کہا ہے کہ بھارت پاکستان کے ساتھ بہتر تعلقات چاہتا ہے، ہندوستان نے دونوں ملکوں کے درمیان تجارت کو کبھی نہیں روکابلکہ یہ پاکستان کی جانب سے بند کی جاتی ہے، دونوں ممالک کے درمیان تجارت اب بھی ہے لیکن صلاحیت سے بہت کم ہے۔وہ لاہور چیمبر آف کامرس اینڈ انڈسٹری میں خطاب کر رہے تھے۔صدرلاہور چیمبر کاشف انور نے کہا کہ زمینی راستے سےبھارت سے درآمد پر پاکستانی کمپنیوں کو بچت ہوگی، لاہور چیمبر کے صدر کاشف انور اور سینئر نائب صدر ظفر محمود چوہدری نے بھی اس موقع پر خطاب کیا جبکہ ایگزیکٹو کمیٹی ممبران بھی موجود تھے۔لاہور چیمبر کے صدر کاشف انور نے کہا زمینی راستے سےبھارت سے درآمد پر پاکستانی کمپنیوں کو بچت ہوگی۔ڈاکٹر ایم سریش کمار کا کہنا تھا کہ ٹرانزٹ ٹریڈ انتہائی اہم ہے۔ وسطی ایشیا ایک بڑی منڈی ہے جہاں بھارت کو رسائی کی ضرورت ہے ۔ انہوں نے کہا کہ بھارت ہمیشہ پاکستان کے ساتھ بہتر تعلقات چاہتا ہے کیونکہ ہم جغرافیہ نہیں بدل سکتے۔ دونوں ممالک ہمیشہ سے پڑوسی رہیں گے۔