بھارت کی بڑے پیمانے پر جدید اسلحہ کی خریداری ، میزائل ، توپیں بھی شامل

نئی دہلی(این این آئی)بھارت نے ساڑھے 8ارب ڈالر کے فوجی ہتھیاروں کی خریداری کی منظوری دے دی جن میں میزائیل اور توپیں بھی شامل ہیں ، ساڑھے 8ارب ڈالر کے براہموس میزائل، ہیلی کاپٹر،الیکٹرانک وارفیئر سسٹم ، گاڑیوں کی خریداری کی منظوری دیدی گئی ۔ بھارتی وزارت دفاع نے ایک بیان میں کہا ہے کہ ساڑھے 8ارب ڈالر مالیت کے200 براہموس میزائل، 50 ہیلی کاپٹر،الیکٹرانک وارفیئر سسٹم ، آرٹلری گنز اور آرٹلری جنگی نظام کی خریداری کی منظوری دے دی گئی ہے،وزیر اعظم نریندر مودی کی حکومت کی طرف سے مقامی سطح پر دفاعی سازوسامان کی تیاری کو فروغ دینے کے لیے تمام آرڈر بھارتی کمپنیوں کو دیے جائیں گے۔