اہم شخصیات کا ایئر پورٹ پرپروٹوکول ختم کرنے کا فیصلہ

اسلام آباد (آئی این پی)ایف آئی اے امیگریشن نے اہم شخصیات کا ایئر پورٹ پرپروٹوکول ختم کرنے کا فیصلہ کر لیا،ایف آئی اے حکام کی جانب سے جاری مراسلے میں کہا گیا ہے کہ ایئر پورٹس پر ہر اہم شخصیت کا سامان چیک ہو گا جبکہ ایئر پورٹس پر وی وی آئی پی پروٹوکول دینے پر پابندی لگادی گئی ،مراسلے میں کہا گیا ہے کہ امیگریشن عملہ کسی بھی اعلیٰ شخصیت کو پروٹوکول نہیں دے گا، ذرائع کے مطابق اہم شخصیات کو پروٹوکول دینے سے ان کے سامان کی چیکنگ نہیں ہوتی، سامان چیکنگ نہ ہونے سے اسمگلنگ کے امکانات بڑھ جاتے ہیں،مراسلے میں مزید کہا گیا ہے کہ ایف آئی اے احکامات کی خلاف ورزی کرنے والوں کے خلاف محکمانہ کارروائی ہو گی۔