جمہوری عمل کے استحکام کیلیے کوششیں جاری رکھیں گے،سینیٹ میں قراداد متفقہ منظور

اسلام آباد (نمائندہ جنگ )ایوان بالا نے سینیٹ آف پاکستان کی گولڈن جوبلی کی کامیاب تقریبات کے موقع پر قراداد متفقہ طور پر منظور کر لی ،پی ٹی آئی کے ارکان نے اجلاس میں شرکت نہیں کی، گزشتہ روز سینٹ کے اجلاس کے دوران سنیٹر میاں رضا ربانی نے تمام سنیٹرز کی جانب سے ایوان میں قرار داد پیش کی جس میں کہا گیا کہ سینٹ 50 سالہ تقریبات منانے کے لیے بلائے گئے اس یادگاری اجلاس کی اہمیت کو تسلیم کرتا ہے جس کا مقصد قومی ہم اہنگی، اتحاد اور شمولیتی عمل کو تقویت دینا ہے ] جمہوری عمل کے استحکام کیلیے کوششیں جاری رکھیں گے، سینٹ دستور 1973 کےمہماروں، سابق چیئرمین، سنیٹرز ،عملہ اور دیگر حصہ داروں کا شکریہ ادا کرتا ہے جنہوں نے گزشتہ پچاس سالوں کے دوران سینٹ کو پارلیمانی روایات کے امین ایوان میں تبدیل کیا۔