سوئی ناردرن کے50ارب قرض کا سود صارفین سے وصول کیا جائیگا، وفاقی کابینہ نے منظوری دیدی

اسلام آ باد(رانا غلام قادر)وفاقی کابینہ نے گیس صارفین پر ایک اور اضافی بوجھ ڈالنے کی منظوری دیدی، ذرائع کے مطا بق سوئی ناردرن کے50 ارب روپے قرض کا سود صارفین سے وصول کیا جائیگا ، کابینہ کی سوئی ناردرن کو 50ارب روپے قرض لینے کیلئے گارنٹی کی منظوری دی ، سوئی ناردرن ایل این جی درآمد کی مد میں پی ایس او کو ادائیگی کرے گا ، وفاقی حکومت نے پی ایس او کو ممکنہ ڈیفالٹ سے بچانے کے اقدامات کئے ہیں ، پی ایس او کے مختلف اداروں پر واجبات ریکارڈ 773ارب روپے تک پہنچ چکے ہیں،ذرائع کے مطا بق سوئی ناردرن پی ایس او کا سب سے زیادہ498 ارب روپے کا نادہندہ ہے، وفاقی حکومت حال ہی میں گیس112 فیصد تک مہنگی کرچکی ہے، گیس صارفین پر پہلے ہی310 ارب روپے کا اضافی بوجھ ڈالا جاچکا ہے۔