فائرنگ سے ایک شخص جاں بحق

اسلام آباد ( خصوصی نامہ نگار ) راولپنڈی اسلام آباد پولیس نے قتل کے3مقدمات کی ایف آئی آر درج کر لیں۔ راولپنڈی کے علاقے غازی آباد نزد پارکنگ ڈھوک سیداں میں 36 سالہ شکیل حسین کو سر میں گولی مار کر قتل کر دیا گیا ۔ دریں اثناء زاہد پرویز کی مدعیت میں تھانہ سہالہ میں درج کی گئی ایف آئی آر میں کہا گیا ہے کہ چکری روڈ پر ایک نجی ہائوسنگ سوسائٹی میں ملازمت کرتا ہے، اسے سولہ مارچ کو فون پر اطلاع دی گئی کہ کسی نے اس کے بھتیجے عامر شفیق کو گولی مار کر زخمی کر دیا ،وہ بینظیر بھٹو ہسپتال پہنچا تو پتہ چلا کہ وہ جان کی بازی ہار چکا تھا۔ اس کے بھتیجے کو ٹیکسی ڈرائیور سواں کیمپ سے لایا تھا۔قتل کا تیسرا مقدمہ تھانہ بھارہ کہو میں رضوان اسلم خان کی مدعیت میں درج کیا گیا جس میں مدعی نے الزام لگایا کہ اس کے بھائی عمران اسلم کو اس کی بھابھی دختر ندیم حبیب نے اپنے بھائی علی اکبر عرف کاکا کی مدد سے گلا گھونٹ کر قتل کر دیا ۔