تحریک انصاف کے کارکنوں کی نظر بندی کیخلاف درخواست پر رپورٹ طلب

راولپنڈی(اپنے رپورٹرسے)لاہور ہائی کورٹ راولپنڈی بنچ کے جسٹس چوہدری بعدالعزیز نے تحریک انصاف کے کارکنوں کی نظر بندی کے خلاف درخواست پر رپورٹ طلب کرلی۔ پی ٹی آئی کے جنرل سیکرٹری عامر کیانی نے راولپنڈی اور اٹک میں کارکنوں کی نظر بندی کو چیلنج کیا ہے۔درخواست میں پنجاب حکومت، ڈپٹی کمشنرز اور راولپنڈی واٹک کے جیل سپرنٹنڈنٹس کو فریق بنایا گیاہے۔اٹک اور راولپنڈی سے 66 افراد کو نقص امن کے خدشات پر گرفتار کر کے جیل بھجوایا گیا تھا ۔نظر بند افراد میں انتخابی امیدوار اور ان کے تجویز و تائید کنندہ بھی شامل ہیں ۔عدالت عالیہ نے رپورٹ طلب کرتے ہوئے سماعت 20مارچ تک ملتوی کردی ۔