مولانا جمیل الرحمٰن اختر انتقال کرگئے

اسلام آباد (نیوز رپورٹر) پاکستان شریعت کونسل پنجاب کے امیر، عالمی مجلس تحفظ ختم نبوت لاہور کے سرپرست، جامع مسجد امن باغپورہ کے خطیب مولانا قاری جمیل الرحمٰن اختر 64 سال کی عمر میں انتقال کر گئے۔ انہوں نے بیوہ، 4 بیٹے اور دو بیٹیاں سوگوار چھوڑیں۔ان کے انتقال پر پی ڈی ایم کے سربراہ مولانا فضل الرحمٰن، وفاق المدارس کے ناظم اعلٰی مولانا محمد حنیف جالندھری، مولانا مفتی محمد رویس خان ایوبی، مولانا زاہد الراشدی، مولانا عبدالقیوم حقانی اور دیگر نے گہرے رنج و غم اور افسوس کا اظہار کرتے ہوئے ان کے انتقال کو دینی حلقوں کیلئے سانحہ قرار دیا۔