اغواء، زیادتی کیس میں ملزم کی درخواست ضمانت خارج

اسلام آباد (خصوصی رپورٹ) ایڈیشنل ڈسٹرکٹ اینڈ سیشن جج اسلام آباد ہمایوں دلاور نے وفاقی دارالحکومت سے اغوا ، زیادتی اور زبردستی شادی کے مقدمہ میں مرکزی ملزم ثانی عباس کی درخواست ضمانت بعدازگرفتاری مسترد کر دی ۔ گذشتہ روز سماعت کے دوران مدعی کے وکیل یاسر عزیر پیش ہوئے اور دلائل دئیے۔ دلائل سننے کے بعد عدالت نے ملزم کی ضمانت کی درخواست خارج کرتے ہوئے کہاکہ متاثرہ لڑکی نے ملزم ثانی عباس پر چھ ماہ زیادتی اور زبردستی کی شادی کا الزام لگایا ہے۔ واضح رہے کہ2020 میں ملزم نے اپنے ساتھیوں کے ساتھ جی الیون سے دو لڑکیوں کو اغواء کیا تھا۔ ملزم پر متاثرہ خاتون کے ساتھ چھ ماہ زیادتی کے بعد زبردستی کی شادی کرنے کا الزام تھا۔