بھاری مالیت کی منشیات برآمد ، متعدد افراد گرفتار

اسلام آباد ( خصوصی نامہ نگار ) انسداد منشیات فور س نے ملک گیر آپریشز کے دوران بھاری مالیت کی منشیات برآمد کر کے متعدد افراد کو گرفتار کر لیا۔ تھانہ انسداد منشیات اسلام آباد کی سب انسپکٹر رابعہ فدا حسین کی مدعیت میں دو افراد کے خلاف چھ کلو چرس برآمدگی کا مقدمہ درج کیا گیا جس میں ملزموں کے نام ملک سرور اور تیمور علی اعوان بتائے گئےہیں اسلام آباد انٹر نیشنل ائیرپورٹ پر جدہ جانے والے 2 افراد کے پیٹ سے مجموعی طور پر 123 ہیروئین بھرے کیپسول برآمد کر کے سوات کا رہائشی ملزم اور کراچی کی رہائشی خاتون گرفتار کر لی گئی ۔انٹرنیشنل میل آفس راولپنڈی میں لندن بھیجے جانیوالے پارسل پردوں میں جزب شدہ آئس برآمد کر لی گئی ۔اسلام آباد پارک روڈ کے قریب کارروائی میں 2 ملزمان سے 6 کلو چرس برآمد کر لی گئی ۔