جشن بہار میلہ کا آغاز میراتھون سے ہوگا فلاور شو سمیت دیگر مقابلے بھی ہونگے

راولپنڈی (خبر نگار خصوصی) پارکس اینڈ ہارٹی کلچر اتھارٹی راولپنڈی کی جانب سے جشن بہار میلہ اور پھولوں کی نمائش کا انعقاد کیا جا رہا ہے۔ جشن بہاراں میں فلاور شو، میوزیکل شو، سرکس، پنجابی ثقافتی سٹال، فوڈ فیسٹیول، آتش بازی  سمیت مختلف کھیلوں کے مقابلے بھی کرائے جائینگے۔ جشن بہاراں اور نمائش کا آغاز 19مارچ کو میراتھون ریس سے کیا جائے جو صبح 9بجے لیاقت باغ سپورٹس کمپلیکس سے علامہ اقبال پارک تک ہو گی۔ جشن بہاراں میلہ دو ہفتوں تک جاری رہے گا جس میں سرکس، میوزیکل شو، کھانوں اور پھولوں کے اور دیگر تزئین و آرائش والی اشیاء کے سٹالز لگائے جائینگے۔ فلاور شو، وینیو ڈیکوریشن، لائٹنگ، پنجابی ثقافتی سٹال، اوپن ایئر تھیٹر، فوڈ فیسٹیول، آتش بازی، کینڈل لائٹ شو اور رنگولی کے مقابلے کروائے جانئیگے۔ تقریب کے اختتام پر نمایاں کارگردگی دکھانے والے افراد میں انعامات تقسیم کئے جائینگے۔