اسلام آباد میں پولیوبچائو مہم کا 97فیصد ہدف حاصل

اسلام آباد ( خصوصی نامہ نگار ) اسلام آباد میں ضلعی انتظامیہ کی نگرانی میں جاری پولیوبچائو مہم کا 97.56فیصد ہدف حاصل کر لیا گیا۔ ڈسٹرکٹ ہیلتھ افیسر ڈاکٹر زعیم ضیا ء کے مطابق 5 دنوں کے دوران ضلعی انتظامیہ کا ہدف 2 لاکھ 28ہزار 762 بچوں کا تھا جبکہ 2 لاکھ 29ہزار 536 بچوں کو قطرے پلائے جا چکے ہیں ۔سی ڈی اے کا ہدف 1لاکھ 92ہزار 693بچوں کا تھا جبکہ1لاکھ 81 ہزار 645بچوں کو بچائو کے قطرے پلائے جا چکے ہیں ، مجموعی ہدف چار لاکھ 21ہزار 455تھا ، ہدف کے مطابق 10 ہزار 274 بچوں کو ابھی پولیو کے قطرے پلانے باقی ہیں اور دو دن بھی موجود ہیں۔