رمضان سے قبل مہنگائی آسمان سے باتیں کرنے لگی، سردار عبدالرحیم

کراچی (اسٹاف رپورٹر) پاکستان مسلم لیگ فنکشنل سندھ کے سیکریٹری جنرل اور جی ڈی اے کے سیکریٹری اطلاعات سردار عبدالرحیم نے کہا ہے کہ کرپٹ نااہل اور عوام دشمن حکمرانوں نے عوام سے دو وقت کی روٹی تک چھین لی اور رمضانالمبارک کے بابرکت مہینے سے قبل مہنگائی آسمان سے باتیں کرنے لگی کراچی کی عوام مہنگائی کے خلاف سکھر سے شروع ہونے والے مہنگائی مخالف پیدل مارچ کا 19 مارچ 3 بجے کراچی پریس کلب پہچنے پر شاندار استقبال کرکے حکمرانوں کے خلاف اپنا احتجاج رکارڈ کرایں گے- اپنے جاری بیان میں سردار عبدالرحیم نے مزید کہا کہ ملک میں بڑھتی ہوئی مہنگائی بیروزگاری نے عوام کا جینا حرام کردیا ہے۔انہوں نے مزید کہا کہ 19 مارچ کو 3 بجے کراچی پریس کلب پہنچنے پر فنکشنل لیگ اور جی ڈی اے کے کارکنان کراچی کے شہریوں کے ہمراہ لانگ مارچ کا شاندار استقبال کریں گے۔