ثقلین مشتاق کاماضی میں میانداد سے بدتمیزی کا انکشاف

لاہور (نمائندہ خصوصی) سابق ٹیسٹ کرکٹر ثقلین مشتاق نے اانکشاف کیا ہے کہ انہوں نے بحیثیت کھلاڑی اس وقت کے ہیڈ کوچ جاوید میاں داد سے بدتمیزی کی تھی بعد میں غلطی کا احساس ہونے پر سعید انور کے ساتھ ان کے گھر جاکر معافی مانگی تھی۔ ایک یوٹیوب انٹرویو میں سابق ہیڈ کوچ نے کہا کہ انجری کی وجہ سے پریشان تھا، کوچ جاوید میانداد سے بات کی تو صحیح جواب نہیں دیا جس پر واقعہ پیش آیا۔ میری آواز تیز تھی،غصے میں جاوید بھائی سے کہا کہ آپ کو پتہ ہوگا مجھے کھلائیں گے یا نہیں! ورنہ گھر بھیج دیں، تو انہوں نے مجھے جواب دیا کہ بدتمیز اپنی آواز نیچے کرو تو میں غصے میں تھا تو کہہ دیا میں آپکو مار بھی سکتا ہوں۔ جب مجھے غلطی کا احساس ہو تو سعید انور اور میں جاوید میانداد کے گھر گئے جہاں میں نے اُن سے معافی مانگی، تو جاوید میانداد نے بڑے پن کا مظاہرہ کرتے ہوئے مجھے گلے لگایا اور معاملہ ختم کردیا۔ اس واقعہ کے بعد ایسا کبھی نہیں ہوا کہ جاوید بھائی نے مجھ سے صحیح سے بات نہ کی ہو بلکہ ٹیم میں بھی کھیلا بعدازاں ہم نے سرکاری ٹی وی پر ایک ساتھ کام کیا۔