شاہنواز دھانی پرستار لڑکی کو آٹوگراف نہ دینے پر افسردہ

لاہور (نمائندہ خصوصی) پاکستان سپر لیگ میں ان فٹ ہونے کی وجہ باہر ہونے والے شاہ نوازدھانی اس وقت آپریشن کرانے کے بعد ری ہیب میں مصروف ہیں۔ ایک انٹر ویو میں انہوں نے اس بات پر افسوس کا اظہار کیا کہ ایک میچ کے دوران ایک پرستار لڑکی کو اس لئے انٹرویو نہیں دے سکا کیوں کی سیکیورٹی بہت سخت تھی۔ میں نے لڑکی کو یقین دلانے کی بھی کوشش کی کہ انتظار کریں آٹوگراف ضرور دوں گا، میں نے سکیورٹی سے بھی کہا تو انہوں نے کہا کہ 50 اوور کی اننگز کے بعد میں آٹوگراف دے سکتا ہوں لیکن بدقسمتی سے میں اس لڑکی کو آٹوگراف نہیں دے پایا۔ ون ڈے میچ کے دوران ایک لڑکی کے ہاتھ میں پلے کارڈ تھا جس پر میری تصویر تھی جس پر درج تھا کہ ’’مجھے دھانی کا آٹوگراف چاہیے‘‘۔ دراصل سکیورٹی ایشوز کے باعث ہمیں اجازت نہیں تھی کہ ہم فین کے پاس جاکر آٹوگراف دے سکیں ۔ وہ لڑکی بار بار مجھے دیکھ کر کہہ رہی تھی کہ دھانی پلیز آٹوگراف اور میں انہیں بار بار چپ کروارہا تھا۔