سٹیٹ بینک، 50روپے کا سکہ جاری

لاہور(جنگ نیوز)سینیٹ کی گولڈن جوبلی کے موقع پر اسٹیٹ بینک آف پاکستان نے 50روپے مالیت کے یادگاری سکے جاری کردیے۔شہری 17مارچ سے اسٹیٹ بینک کی سروسز کارپوریشن کے فیلڈ دفاتر سے یہ سکے حاصل کرسکتے ہیں۔سینیٹ پاکستان کی عمر 50برس ہوئی تو اسٹیٹ بینک آفپاکستان نے عوامی کے نمائندہ ادارے کی اہمیت اجاگر کرنے کیلئے آج سے ساڑھے 13 گرام تانبے اور نکل کے مرکب کو 30 ملی میٹر گول سکے کی شکل میں جاری کیا ہے۔سکے کے رخ پر دیگر سکوں کی طرح ابھرتے ہلالی چاند پانچ کونوں والے ستارے، ساؤتھ پول میں گندم کی بالیوں اور نارتھ پول پر اسلامی جمہوریہ پاکستان مزین ہے۔سکے کی پشت پر سینیٹ کا امتیازی نشان، 1973 سے 2023 اور پاکستان سینیٹ گولڈن جوبلی نقش ہے۔