ہاکی کھلاڑی شاہدہ رضا کوئٹہ میں سپرد خاک

کراچی( اسٹاف رپورٹر ) تارکین وطن کشتی حادثہ میں جاں بحق ہونے والی انٹر نیشنل خاتون ہاکی کھلاڑی شاہدہ رضا کی تدفین آبائی شہر کوئٹہ میں کردی گئی۔ نماز جنازہ اور تدفین میں پاکستان ہاکی فیڈریشن کے وفد نے بھی شرکت کی۔ اس موقع پر وزیرکھیل بلوچستان عبدالخالق ہزارہ، پی ایچ ایف صوبائی کوآرڈینیٹر شرافت اسلام بٹ، سیکرٹری بلوچستان ہاکی ایسوسی ایشن سیدامین مروت، صوبائی ڈائریکٹر ڈومیسٹک بلوچستان حبیب اللہ کاکڑ سمیت کھلاڑیوں، مرحومہ کے عزیز و اقارب اور دیگر موجود تھے۔