سی ٹی ڈی کی کارروائی، کالعدم تنظیموں کے11مبینہ دہشت گردگرفتار

لاہور(کر ائم رپو رٹرسے)کانٹر ٹیررزم ڈیپارٹمنٹ(سی ٹی ڈی)پنجاب نے کارروائی کر کے مختلف کالعدم تنظیموں سے تعلق رکھنے والے11مبینہ دہشت گردوں کوگرفتار کر لیا۔ترجمان نے کہاکہ دہشت گردوں کے قبضے سے دھماکہ خیز 883 گرام،ڈیٹونیٹرز7 عدد،ہینڈ گرنیڈ ایک عددحفاظتی فیوز وائر 14 فٹ، پرائما کورڈ 2 فٹ، کالعدم تنظیم کے 2 کتابچے2 رسید بکس،122 اسٹیکرز، 92 پمفلٹ، کالعدم تنظیم کے 2جھنڈے اور 35290روپے نقدی برآمد کر لیے گئے، دہشت گردوں نے صوبہ بھر میں تخریب کاری کا منصوبہ بنا رکھا تھا اور وہ اہم تنصیبات اور مذہبی مقامات کو ٹارگٹ کرنا چاہتے تھے۔