عمران خان کو اسلام آباد میں گرفتار کرنے کا منصوبہ،حکومت کی تردید

18 مارچ ، 2023

لاہور (نسیم قریشی سے) مبینہ طور پر حکومتی پلان ہے کہ چیئر مین پی ٹی آئی عمران خان کے اسلام آباد داخل ہونے کے بعد دفعہ 144کی خلاف ورزی کا مقدمہ درج کر کے انہیں گرفتار کر لیا جائے۔یہ بھی طے کیا گیا ہے کہ عمران خان کو آج زمان پارک سے باہر نکلنے ہی نہ دیا جائے جس کے لئے گزشتہ رات 12بجے سے تمام راستوں کو کنٹینر لگا کر پھر سے بند کر دیا گیا ہے۔دوسری طرف حکومتی ترجمان نے مذکورہ بالا منصوبے کی تردید کی اور اسے من گھڑت قصہ قرار دیا۔