یورپی ویزوں کے نام پر شہریوںکو لوٹنے والا سرغنہ ساتھی سمیت گرفتار

اسلام آباد (اے پی پی)ایف آئی اے اسلام آباد نے کینیڈا اور یورپ کے ویزوں کے نام پر سادہ لوح شہریوں سے لاکھوں روپے بٹورنے والےنیٹ ورک کا سرغنہ ساتھی سمیت گرفتار کر لیا ہے۔ ایف آئی اے اسلام آباد زون کے ڈائریکٹر عبدالجبار اور ڈپٹی ڈائریکٹر انسداد انسانی اسمگلنگ سرکل آمنہ بیگ کی خصوصی ہدایات پر انسپکٹر سید شبیر عباس کی سربراہی میں ٹیم نے جیری فیڈکس اسلام آباد دفتر کے باہر کارروائی کرتے ہوے ایک بڑے نیٹ ورک کے سرغنہ چوہدری ذوالفقار علی اور ساتھی شہزاد شریف کو گرفتار کر لیا۔ ملزمان کے قبضے سے بڑی تعداد میں پاکستانی پاسپورٹ برآمد ہوئے جن پر کینیڈا کے جعلی ویزہ جات لگے ہوے تھے۔ملزمان ویزہ جات دکھا کر سادہ لوح لوگوں سے فی ویزہ 40 لاکھ روپے وصول کرتے تھے ۔