فواد چوہدری ایف آئی اے طلبی کیخلاف درخواست پر وکیل کو وفاقی حکومت سے ہدایات لیکرپیش ہونے کا حکم

لاہور(کورٹ رپورٹر) لاہور ہائیکورٹ کےجسٹس شہرام سرور چوہدری نے فواد چوہدری کی ایف آئی اے میں طلبی کےنوٹس کے خلاف درخواست پر وکیل کو وفاقی حکومت سے ہدایات لیکر24مارچ کو پیش ہونے کی ہدایت کر دی ۔درخواست میں موقف اپنایا گیا کہ فواد چوہدری نے ٹویٹ میں مطالبہ کیا کہ توشہ خانہ سے تحائف لینے پر مریم نواز کےخلاف تحقیقات کی جائیں،مریم نواز نے ری ٹوئٹ میں ایف آئی اے سائبرکرائم کو فواد چودھری کےخلاف کارروائی کا لکھا اوراگلے ہی روز ایف آئی اے نے فواد چوہدری کو طلبی کانوٹس بھجوا دیا،ایف آئی اے نے سیاسی دباو پر غیر قانونی کارروائی کرتے ہوئے نوٹس بھجوایا،ایف آئی اے کے ذریعے انتخابی مہم سے روکنے کی کوشش کی جارہی ہے، عدالت ایف آئی اے کے بھجوائے گئے نوٹس کوکالعدم قرار دے۔