پشاور میں’’ پاکستان ڈویلپمنٹ فورم ‘‘ کا افتتاح کردیا گیا

18 مارچ ، 2023

پشاور (خصوصی نامہ نگار) انسٹی ٹیوٹ آف مینجمنٹ سائنسز پشاور میں پاکستان ڈوویلپمنٹ فورم کے مستحکم پارلیمان پراجیکٹ کا افتتاح کر دیا گیاجس میں مسائل کی نشاندہی اور ان کے حل کے بارے میں بحث و مباحثہ کیا جائے گا۔اس موقع پروزیراعلی کے مشیر برائے خزانہ حمایت اللہ خان مہمان خصوصی تھے ۔ تقریب سے سابق سنیٹر افرا سیاب خٹک، ایم این اے محسن داوڑ،سابق ایڈیشنل چیف سیکرٹری حبیب اللہ خٹک اور ڈائریکٹر آئی ایم سائنسز ڈاکٹر عثمان نے خطاب کیا اور ضم اضلاع کے مسائل اور حل کی نشاندہی کی۔ مقررین نے زور دیا کہ پاکستان کی معیشت اس وقت تک سنبھل نہیں سکتی جب تک پالیسی بنانے والوں کا فوکس پاکستان کے غریب عوام پرنہ ہو ۔ امید ہے کہ نئی نسل پاکستان میں موجود مسائل کی صرف یہ کہ نشاندہی کرے گی ۔