چین سے 50 کروڑ ڈالر موصول ہوگئے، اسحاق ڈار

18 مارچ ، 2023

اسلام آباد ( آن لائن ) وفاقی وزیر خزانہ اسحاق ڈار نے کہا ہے کہ پاکستان کو چین سے مزید 50 کروڑ ڈالر موصول ہوگئے۔اپنے ٹوئٹ میں وفاقی وزیر خزانہ نے چین کے آئی سی بی سی بینک سے 50 کروڑ ڈالر موصول ہونے کی تصدیق کی اور کہا کہ چین سے ملنے والی رقم سے زرمبادلہ ذخائر میں بہتری آئے گی۔ الحمداللہ۔ یہ رقم چین کے بینک آئی سی بی سی سے دوسری قسط کے طور پر موصول ہوئی۔