حکومت مذاکرات کی تاریخ اور مقام بتائے،فواد چوہدری

اہور ( آن لائن ) پاکستان تحریک انصاف رہنما فواد چوہدری نے حکومت کو ایک قدم آگے بڑھانے کا کہہ دیا۔ اپنے بیان میں فواد چوہدری نے کہا کہ اس عمل کو بیان سے آگے بھی بڑھائیں اور جماعتوں کو ملنے کی تاریخ اور مقام دیں۔ فواد چوہدری نے کہا کہ اعظم نذیر تارڑ روز بیان دے رہے ہیں کہ مل کر بیٹھیں اور مسائل کا حل کریں۔ پی ٹی آئی رہنما نے کہا کہ وزیراعظم شہباز شریف نے بھی بات چیت کا کہا ہے اس عمل کو بیان سے آگے بڑھائیں۔ فواد چوہدری نے مزید کہا کہ عمران خان پہلے ہی مذاکرات کی حمایت کر چکے ہیں۔