بنیادی سہولیات کی فراہمی ،عوام کو ریلیف فراہم کرناترجیح ہے،خواجہ آصف

سیالکوٹ (نمائندہ جنگ ) وفاقی وزیر دفاع خواجہ آصف نے کہا ہے کہ انکی حکومت کی ترجیجات میں عوام کے لیے بنیادی سہولیات کی فراہمی کو ممکن بنا کر ریلیف فراہم کرنا ہے۔ ان خیالات کا اظہار انہوں نے صدر سمال انڈسٹری اسٹیٹ ویلفیئر ایسوسی ایشن محبوب شیخ سے سمال انڈسٹری اسٹیٹ میں ترقیاتی کاموں کے حوالے سے ملاقات میں کیا۔چیئرمین نعیم اختر، عبد الرحمن اور عابد لودھی نے وفاقی وزیرسےکہا کہ آپ کی ہدایت پر جامعہ مسجد روڈ،حالی روڈ، سپورٹس گڈز ایسوسی ایشن روڈ و دیگر روڈز کی تعمیر سے نہ صرف مقامی برآمدکنندگان اور درآمدکنندگان کو آمدورفت میں پریشانی کا خاتمہ ہوگا بلکہ فیکٹریوں کے وزٹ پر آنے والے بین الاقوامی کسٹمرز کو بھی آسانی رہے گی۔