عمران خان غنڈہ گردی سے حکومت میں آنا چاہتے ہیں، سلیکٹڈ وزیر اعظم کو چھٹی کے دن بھی ریلیف مل جاتا ہے، شرجیل میمن

کراچی(صباح نیوز)سندھ کے وزیر اطلاعات اور پیپلز پارٹی کے ترجمان شرجیل میمن نے کہا ہے کہ عمران خان خود کو آئین سے بالاتر سمجھتے ہیں ،پچھلے کچھ دنوں سے پاکستان میں وہ کچھ ہورہا ہے جو ماضی میں نہیں ہوا،عمران خان غندہ گردی سے حکومت میں آنا چاہتے ہیں ۔کراچی میں پریس کانفرنس کرتے ہوئے شرجیل میمن نے کہا کہ عدالت کے احکامات کی دھجیاں اڑائی گئیں مگر افسوس کی بات ہے کہ اس شخص کو ضمانت مل گئی۔ 50 سے زائد پولیس والوں کو زخمی کیا لیکن عدالت سے ضمانت مل گئی، پی پی رہنما نے کہا کہ آئین کے بانی کے مقدمے کو نہیں سنا جارہا ہے، ہمیں ذوالفقار علی بھٹو کے ریفرنس کا فیصلہ چاہیے۔ شرجیل میمن نے کہا کہ دوسرا مقدمہ بینظیر بھٹو کی شہادت کا مقدمہ ہے، خانہ پوری کر کے مقدمے کو ملتوی کردیا جاتا ہے۔