عمران کا گھر کسی دہشت گرد تنظیم کا ٹھکانہ تو ہو سکتا سیاسی جماعت کا نہیں، جاوید لطیف

شیخوپورہ (نمائندہ جنگ سے) وفاقی وزیر میاں جاوید لطیف نے کہا ہے کہ پاکستان کا تشخص برباد کرنے والے شخص عمران خان کے گھر زمان پارک سےجو کچھ برآمد ہوا وہ کسی دہشت گرد تنظیم کا ٹھکانہ تو ہو سکتا ہے سیاسی جماعت کا نہیں،عمران خان کو سیاستدان کے طور پر نہیں لینا چاہیے، پنجاب کے مرکز لاہور کو اسلحہ بردار لٹھ بردار ڈنڈا بردار مسلح جتھوں کا ٹھکانہ بنا دیا گیا ہے،ان خیالات کااظہارانہوں نے شیخوپورہ کے صحافیوں سے گفتگو کے دوران کیا۔جاوید لطیف کا کہنا تھا کہ عمران خان جتھے لیکر عدالتوں میں جو کچھ کر رہا ہے وہ پوری قوم دیکھ رہی ہے اسکی منفی روایت کو آنیوالے وقتوں میں اگر کسی نے اپنایا توقانون کہاں جائے گا،اسے سیاسی لیڈر کی بجائے ایک دہشت گرد تنظیم کے سربراہ کے طور پر لیا جانا چاہیے،انہوں نے کہا کہ عمران خان ایسا کردار بن چکا ہے جو خود ملزم اور خود ہی منصف بنے بیٹھا ہے، اس نے ہر وہ روایت نئی پیدا کی ہے،کیا؟اس سے پہلے مرکز میں پہلے کسی اور جماعت کی حکومت،صوبوں میں کسی اورجماعت کی حکومت نہیں رہی،رہی ہیں،مگر کیاان صوبوں کی حکومتوں نے مرکز کے خلاف اسطرح چڑھائی کی۔