چینی کمپنی کاپاکستانی سیلاب متاثرین کیلئے 320,000ڈالر عطیے کا اعلان

اسلام آباد(آئی این پی ) چینی کمپنی نے پاکستان کے سیلاب متاثرین کی بحالی کیلئے 320,000 ڈالر کے عطیہ کا اعلان کر دیا۔ اسلام آباد میں چینی سفارتخانے کی چارج ڈی افیئرز پینگ چنگ شوے نے اس کاوش کو سراہا تے ہوئے کہا ہے کہ کہا کہ یہ جان کر خوشی ہوئی کہ چینی کمپنی نے سیلاب سے متاثرہ کمیونٹیز کی بحالی کے لیے 320,000 امریکی ڈالر عطیہ کرنے کا عہد کیا ہے، یہ فنڈز ضلع بدین میں ایک اسکول بنانے کے لیے استعمال کیے جائیں گے ، اس میں 180 بچوں کی تعلیم دوبارہ شروع کی جاسکے گی ، چین اور پاکستان کی ا یک دوسرے کی مدد کرنے اور دکھ درد میں شریک ہونے کی روایت ہے ، چین پاکستان کو تقریباً 260 ملین امریکی ڈالر سیلاب امداد فراہم کر چکا ہے۔