سندھ ہائیکورٹ، صوبے کی تمام سرکاری اراضی قبضہ مافیا سے چھڑانے کا حکم

خیرپور (نمائندہ جنگ )سندھ ہائی کورٹ نے محکمے جنگلات کی زمینوں پر قبضہ مافیا کے قبضے خالی کرانے کا تحریری فیصلہ جاری کر دیا، جسٹس صلاح الدین پہنور اور جسٹس عبدالمبین لاکھو نے کہا کہ وہ سندھ میں تمام سرکاری اراضی سے قبضہ مافیا کے قبضے چھڑانے کا حکم دیتے ہیں۔ جسٹس صلاح الدین پہنور نے کہا کہ محکمے جنگلات کی ہزاروں ایکڑ زمینوں پر قبضے ہیں کنزر ویٹر فاریسٹ جنگلات سے قبضے خالی کرانے کا پابند ہو گا۔ سندھ ہائی کورٹ سکھر بینچ کے ججز جسٹس صلاح الدین پہنور اور جسٹس عبدالمبین لاکھو پر مشتمل ڈبل بینچ نے محکمے جنگلات کی زمینوں پر قبضہ مافیا کے غیر قانونی قبضے خالی کرانے کا تحریری فیصلہ جاری کر دیا ہے۔ جسٹس صلاح الدین پہنور نے ریمارکس دیئے کہ سندھ میں محکمے جنگلات کی ہزاروں ایکڑ اراضی پر قبضہ مافیا غیر قانونی قبضے کیے ہوئے ہے،  ججز جسٹس صلاح الدین پہنور اور جسٹس عبدالمبین لاکھو نے کہا کہ کنزر ویٹر فاریسٹ سرکاری زمینوں پر قبضے خالی کرانے کا پابند ہو گا اس سلسلے میں ہوم سیکرٹری اور آئی جی سندھ سرکاری اراضی کے قبضے خالی کرانے میں محکمے فاریسٹ کے ساتھ مکمل تعاون کرینگے اور محکمے جنگلات کے عملے کو سیکورٹی فراہم کرینگے۔