ملک کے بعض علاقوں میں بارش ، آج مزید امکان

اسلام آباد (اپنے نامہ نگار سے ) پنجاب، بالائی خیبرپختونخوا اور شمالی/وسطی بلوچستان میں گزشتہ روز بھی تیز ہواؤں اورگرج چمک کے ساتھ بارش ہوئی۔سب سے زیادہ بارش ژوب میں 24،مالم جبہ میں 10، بارکھان 6،پاراچنار 5، کاکول 4 ملی میٹر بارش ریکارڈ کی گئی۔ محکمہ موسمیات کے مطابق آئندہ چوبیس گھنٹوں کے دوران شمال/ مشرقی بلوچستان، جنوبی پنجاب،خیبر پختونخوا، سندھ، کشمیراور گلگت بلتستان میں آندھی/ تیز ہواؤں اور گرج چمک کے ساتھ بارش کا امکان ہے تاہم ملک کے دیگرعلا قوں میں مطلع جزوی ابرآلود/ابر آلود رہے گا۔ہفتہ کو ملک میں سب سے زیادہ درجہ حرارت چھوراور مٹھی میں36 ڈگری سینٹی گریڈ ریکارڈکیا گیا۔