امپائر علیم ڈار کی کرکٹ کیلئے شاندار خدمات قابل ستائش ہیں ،شہباز شریف

اسلام آباد( نیوز رپورٹر):وزیراعظم شہباز شریف نے کہاہے کہ آئی سی سی ایلیٹ پینل آف امپائرز سے دستبردارہونے والے امپائر علیم ڈار کی بین الاقوامی کرکٹ کیلئےشاندار خدمات قابل ستائش ہیں ۔ سوشل میڈیا پر ایک بیان میں انہوں نے کہاکہ امپائر علیم ڈار آئی سی سی ایلیٹ پینل آف امپائرز سے دستبردار ہو گئے ہیں ،بین الاقوامی کرکٹ کے لیے ان کی شاندار خدمات قابل ستائش ہیں۔ انہوں نے کہا کہ کھیل کے تمام فارمیٹس میں ان کی بے عیب امپائرنگ نے کرکٹ کی دنیا میں تعریفیں سمیٹیں،پاکستان کو ان پر فخر ہے۔