اپنا گول حاصل کیا لیکن انفرادی سے زیادہ ٹیم کی کارکردگی اہم، بابر

لاہور (نمائندہ خصوصی) پاکستان سپر لیگ8میں پشاور زلمی کی کپتانی کرنے والے بابر اعظم نے کہا کہ ٹورنامنٹ میں اپنے لیے جو گول بنایا تھا وہ حاصل کیا، لیکن انفرادی کارکردگی سے بڑھ کر ٹیم کی کارکردگی کی اہمیت ہوتی ہے۔ بابر اعظم نے پریس کانفرنس کرتے ہوئے کہا کہ بولنگ اچھی نہیں ہو سکی، اونچ نیچ ہوتی رہتی ہے، زلمی کے ساتھ مزہ آیا بدقسمتی سے آگے نہیں جاسکے۔ پاکستان کی کرکٹ گروم کر رہی ہے، صائم ایوب اور محمد حارث سامنے آ رہے ہیں، یہ اچھی بات ہے کہ نوجوان مواقع سے فائدہ اٹھا رہے ہیں جس کا پاکستان کو فائدہ ہو گا۔ محمد حارث کو پلان کے مطابق کھلاتے رہے ہیں، اس نے بیٹنگ نمبر کی تبدیلی کو مثبت انداز میں لیا ، حارث کو ہمیشہ یہی بتاتا ہوں کہ اننگز کو لمبی کرو۔