رمضان کی آمد، ایس ایس پی سٹی آفس بغدادی کمپلیکس میں میٹنگ کا انعقاد

کراچی( اسٹاف رپورٹر )رمضان المبارک کی آمد سلسلے میں ایس ایس پی سٹی آفس بغدادی کمپلیکس میں میٹنگ کا انعقاد کیا گیا۔میٹنگ کی صدارت ایس ایس پی سٹی عارف عزیز نے کی۔میٹنگ میں مارکیٹس کے عہدیداران، ایس ڈی پی اوز اور ایس ایچ اوز نے شرکت کی۔ایس ایس پی سٹی نے تمام تاجر برادری سے ان کو درپیش مسائل کے متعلق دریافت کیا، ایس ایس پی سٹی نے تاجر برادری سے مکمل تعاون کی یقین دہانی کرائی،انہوں نے کہا کہ رمضان المبارک میں تمام مارکیٹس/بازاروں میں کیمپ لگائیں جائیں گے تاکہ کسی بھی شہری کو کسی بھی قسم کا مسئلہ ہو تو وہ کیمپس پر رپورٹ کریں اور ان کے مسائل کا فورا ازالہ ہو سکے،رمضان المبارک میں ٹریفک/ پارکنگ کے مسائل کو حل کرنے کیلئے ایس ایس پی ٹریفک کو لیٹر لکھا جائے گا تاکہ ٹریفک/پارکنگ کے مسائل پر قابو پایا جا سکے۔