عمران خان کاگرفتاری سے بچنے کیلئے اسلام آباد ہائی کورٹ سے رجوع

اسلام آباد (خصوصی رپورٹ) سابق وزیر اعظم عمران خان نے نیب سمیت قانون نافذ کرنے والے اداروں کی جانب سے گرفتاری سے بچنے کے لئے اسلام آباد ہائی کورٹ سے رجوع کر لیا ۔ ہفتہ کو وکیل کے ذریعے دائر متفرق درخواست میں کہا گیا ہے کہ عدالت نے عمران خان کی گرفتاری روک کر ٹرائل کورٹ میں پیش ہونے کا کہا ، عمران خان عدالتی احکامات پر عمل درآمد کے لئے نکلے تو ان کی لاہور میں رہائش گاہ پر پولیس نے حملہ کیا ، پولیس نے جوڈیشل کمپلیکس جانے والے راستے بند کر رکھے ہیں ، پولیس ایسے مقدمات میں گرفتاری چاہتی ہے جن کا عمران خان کو علم ہی نہیں ، عمران خان کی کسی بھی مقدمہ میں گرفتاری کو عدالتی اجازت سے مشروط کیا جائے ، استدعا ہے کہ نیب سمیت کسی بھی ادارے کو گرفتاری سے روکا جائے ، عمران خان کی جانب سے آج ہی درخواست پر سماعت کی استدعا بھی کی گئی ۔