سعودی عرب ، وزیر اعظم کے حکم سے شہریت دینے کا نیا فیصلہ

ریاض (شاہدنعیم) سعودی عرب میں شہریت دینے سے متعلق ضوابط میں معمولی تبدیلی کے بعد نئے فیصلے کی تفصیلات جاری کی گئی ہیں۔ نئے فیصلے میں واضح کیا گیا ہے کہ وزیر داخلہ کی تجویز پر وزیر اعظم سعودی عرب کی شہریت دینے کے حتمی مجاز اتھارٹی ہوں گے۔سعودی وزارت داخلہ کے مکہ مکرمہ ریجن کی طرف سے ’ٹویٹر‘ پر ایک مختصر بیان پوسٹ کیا گیا ہے جس میں کہا گیا ہے کہ وزیر داخلہ کی ایڈوائس پر وزیراعظم شہریت دینے کا فیصلہ کرسکتے ہیں، سرکاری اخبار ام القریٰ میں شائع ہونے والے فیصلے کا متن حسب ذیل ہے: شاہی فرمان نمبر (M/88) مورخہ 6/11/1444ھ کا جائزہ لینے کے بعد سعودی شہریت کے قانون کے آرٹیکل آٹھ میں ترمیم کرتے ہوئے کہا گیا ہے “سعودی شہریت وزیر داخلہ کی تجویز کی بنیاد پر وزیر اعظم کے حکم سے دی جا سکتی ہے۔ سعودی شہریت کے قانون کے آرٹیکل 27 میں درج ذیل کہا گیا ہے کہ "وزیر داخلہ اس قانون کے لیے انتظامی ضوابط جاری کرتا ہے۔