پنجاب حکومت کا زمان پارک واقعہ کی تحقیقات کیلئے جے آئی ٹی بنانے کا اعلان

لاہور(آئی این پی ) نگران وزیر اعلیٰ پنجاب نے زمان پارک واقعہ کی تحقیقات کیلئے جے آئی ٹی بنانے کا اعلان کر تے ہوئے کہا ہے کہ ساری چیزوں کی انوسٹی گیشن کی جائے گی،عمران خان کی رہائشگاہ زمان پارک میں دہشت گرد موجود ہیں، آئی جی سے کہا پی ٹی آئی کو ایک ڈیڈ لائن دے دیں ، آئی جی سے کہا کہ آپ کو کھلی چھٹی ہے، اب ایسا جواب دیں گے کہ یاد رکھیں گے، کوئی ہاتھ بڑھائے گا تو ہاتھ توڑیں گے، زمان پارک میں پنجاب کے باہرسے لوگ آئے ہوئے ہیں، ہرصورت رحکومتی ٹ قائم کریں گے،پولیس کومارو، عمران خان دھمکیاں دینا چاہتے ہیں تو سیکورٹی واپس کردیں، یہ نہیں ہوگا پولیس سیکورٹی بھی دے اور گالیاں بھی کھائے، پولیس عمران خان کی گالیاں کھا کر سیکورٹی نہیں دے سکتی،پنجاب میں ایک کروڑ 58لاکھ خاندانوں کو مفت آٹا دیا جائیگا ،شہری صبر اور ترتیب سے وصول کریں ۔ پیر کو لاہور میں پریس کانفرنس کرتے ہوئے نگران وزیراعلی پنجاب محسن نقوی نے کہا کہ دو روز کنال روڈ کو کلیئر کیا گیا ، زمان پارک کے باہر پولیس اور رینجرز موجود تھی ، ہماری کوشش ہے کہ ماحول خراب نہ ہو اور جانی نقصان ہو ، پولیس والوں نے آگے بڑھنے کی کوشش کی میں نے کہا نہیں واپس آجائیں ، میں نہیں چاہتا تھا کہ خون خرابہ ہو ، آجی جی پنجاب کو ڈیڈلائن دینے کی ہدایت کی ، پولیس والوں کو کہا دیا کہ جو کرنا ہو وہ کریں ، ریاستی رٹ قائم ہوگی اگر کوئی چیلنج کرے گا پولیس والوں کی طرف ہاتھ بڑھا تو توڑ دیں گے ۔