توشہ خانہ کیس :نیب راولپنڈی نے عمران خان کو آج طلب کرلیا

راولپنڈی (این این آئی)نیب راولپنڈی نے پی ٹی آئی چیئرمین عمران خان کو (آج) منگل کو طلب کرلیا۔ ترجمان نیب کے مطابق عمران خان کو توشہ خانہ کیس میں طلب کیا گیا ہے۔نیب کی جانب سے عمران خان کو ذاتی طور پر طلب کرتے ہوئے نوٹس ان کی بنی گالہ کی رہائش گاہ پر بھجوایا گیا ہے جس میں کہا گیا کہ آپ نے اختیارات کا ناجائز استعمال اور اتھارٹی کا مس یوز کیا۔نیب نوٹس میں کہا گیا کہ آپ نے ریاستی تحائف کو بیچا اور ڈکلیئر نہیں کیا۔نیب کے نوٹس میں آئی فون اور گھڑیوں کا ذکر کیا گیا ہے۔