حکمران اتحاد انتخابات سے لرزہ براندام ، یقینی شکست سے خوفزدہ ہے ، پرویز الٰہی

لاہور(پی پی آئی)تحریک انصاف کے رہنماء اور سابق وزیراعلیٰ پنجاب چوہدری پرویز الٰہی نے کہاہے کہ عوامی مقبولیت کے دعویدار الیکشن کیوں نہیں کرارہے محض اس لئے کہ وہ یقینی شکست سے خوفزدہ ہیں۔پاکستان کی سیاسی اور معاشی صورتحال فوری طورپر عام انتخابات کاتقاضاکرتی ہے لیکن موجودہ حکمراں اتحاد انتخابات سے لرزہ بر اندام ہے کیونکہ یقینی شکت سے خوفزدہ نااہل حکمران ٹو لہ فرار چاہتا ہے کہ اسٹیٹس کو برقرار رہے اور انتخابات نہ ہوں۔ پرویزالٰہی کا کہنا تھاکہ آئین شکن حکمران عدلیہ کے خلاف غیر مناسب لب و لہجہ اختیار کر رہے ہیں۔