پاکستان:کورونا کے100نئےکیسز18مریضوں کی حالت تشویشناک

اسلام آباد (این این آئی)پاکستان بھر میں 24 گھنٹوں کے دوران کورونا وائرس کے100نئے کیس رپورٹ ہوئے ہیں جن میں سے18مریضوں کی حالت تشویش ناک ہے۔پیرکوقومی ادارہ صحت(این آئی ایچ)کی جانب سے جاری اعدادوشمار کے مطابق ملک بھر میں 24 گھنٹوں کے دوران کورونا وائرس کے 3ہزار147ا ٹیسٹ کیے گئے جن میں سے 100 افراد کے ٹیسٹ مثبت آئے ، مثبت شرح3.18فیصد رہی اور کوئی مریض جاں بحق نہیں ہوا تاہم 18 کی حالت تشویشناک ہے۔ ملک کے مختلف شہروں کئے گئے کورونا ٹیسٹ اور مثبت کیسز کے حوالے سے لاہور میں435 ٹیسٹوں میں 18 افراد کے ٹیسٹ مثبت آئے اور وہاں پر شرح 4.14 فیصد رہی، اسی طرح اسلام آباد میں205 ٹیسٹوں میں 25 افراد کے ٹیسٹ مثبت آئے ۔ گجرات میں کئے گئے 120 ٹیسٹوں میں سے ایک فرد کا ٹیسٹ مثبت آیا اور ہاں پر مثبت کیسوں کی شرح 0.83فیصد رہی۔