افغان باشندوں کی نقل و حرکت تھانوں میں اندراج سے مشروط ہو گی

اسلام آباد(آئی این پی)حکومت نے افغان شہریوں کی نقل وحرکت سے متعلق پالیسی تیار کرلی، وزارت داخلہ کے ذرائع کے مطابق افغان باشندوں کی نقل و حرکت تھانوں میں اندراج سے مشروط کردی گئی ہے، افغان باشندوں کو صوبوں اور ایک شہر سے دوسرے شہر جانے کے لیے انٹری کرانا لازم ہوگا،ذرائع کے مطابق افغان باشندوں کو متعلقہ تھانے کو پہلے آگاہ کرنا ہوگا، ساتھ ہی نئے شہر جانے کا مقصد اورپتے سے بھی تھانے کو آگاہ کرنا ہوگا، تمام افغان باشندوں کا ڈیٹا ایک ہی جگہ جمع کیا جائے گا، بارڈر پر انٹری کے نظام کو مثر بنایا جائے گا، ویزا یا رہائشی اجازت نامے کی مدت ختم ہونے پر افغان باشندوں کو واپس جانا ہوگا۔