رمضان المبارک کا چاندکل نظرآنے کا امکان

کراچی(آن لائن)پاکستان میں رمضان المبارک کا چاند 22مارچ بروزبدھ نظرآنے کی پیشگوئی کی گئی ہے۔محکمہ موسمیات کے مطابق قوی امکان ہے کہ رمضان کا چاند 22مارچ کو نظرآجائے گا اس طرح جمعرات 23 مارچ کو پہلا روزہ ہوگا۔بتایا گیا ہے کہ رمضان المبارک کے چاند کی پیدائش 21 مارچ کی شب 10 بج کر 23 منٹ پرہوگی، اس طرح سے اگلے روز مغرب کے وقت چاند کی عمر 20 گھنٹے سے زائد ہوگی۔محکمہ موسمیات کے مطابق 22 مارچ کو 6 بج کر 41 منٹ غروب آفتاب جبکہ غروب قمر 7 بج کر 32 منٹ پرہوگا۔چاند دیکھنے کے دوران کراچی میں مطلع کہیں صاف اور کہیں ابرآلود رہنے کا امکان ہے۔#