حقوقِ اللہ کے ساتھ حقوقِ العباد کی بھی بڑی اہمیت ہے، چوہدری ایوب

جاتلاں ( نامہ نگار) انسانیت کی خدمت افضل ترین عبادت ہے ۔حقوقِ اللہ کے ساتھ ساتھ حقوقِ العباد کی بھی بڑی اہمیت ہے اللہ کے دیئے ہوئے مال سے غریبوں میں خرچ کرنے سے کمی نہیں بلکہ اضافہ ہوتا ہے۔ اس عارضی زندگی میں کی ہوئی نیکیاں آخرت میں بخشش کا ذریعہ بن سکتی ہیں۔ ان خیالات کا اظہار چیئرمین و بانی چوہدری کرم الہی ویلیفر ٹرسٹ چھنی تھوتھال و ڈپٹی کمشنر حویلی چوہدری محمد ایوب خان اور عیسی چیرٹی برطانیہ کے چیئرمین مرزا شاہد اقبال نے جاتلاں کے مقام پر رمضان پیکج کی تقسیم کے دوران میڈیا سے گفتگو کرتے ہوئے کیا ۔ انہوں نے کہا کہ چوہدری کرم الہی ویلیفر ٹرسٹ کی عرصہ 18 سال سے عوام کے لیے احسن خدمات ہیں ہر سال رمضان پیکج عید پیکج کے علاوہ بھی غریب غرباء مساکین اور بے سہارا افراد کی بھر پور مدد کی جاتی ہے یہ سب کچھ بیرون ممالک میں مقیم اور اپنے عزیزاقارب کے تعاون سے ہو رہا ہے جو بھی دوست احباب اس ادارے کے ساتھ تعاون کر رہے ہیں۔ ہم ان سب کا شکریہ ادا کرتے ہیں۔