کشمیری پاکستانیوں سے بڑھ کر پاکستانی ہیں،چوہدری محمداشرف

میرپور (جنگ نیوز ) سابق معاون خصوصی وزیر اعظم آزادکشمیرچوہدری محمداشرف نے کہا ہےکہ کشمیری پاکستانیوں سے بڑھ کر پاکستانی ہیں۔23مارچ یوم پاکستان جب قرارداد پاکستان منظور ہوئی تھی۔قائد اعظم محمد علی جناحؒ نے کشمیر کو پاکستان کی شہ رگ قرار دیا تھا۔ کشمیری قوم یوم پاکستان کے موقعہ پر اپنے پاکستانی بھائیوں کے ساتھ اظہار یکجہتی کر رہے ہیں اور یہ عہد کرتے ہیں کہ پاکستان کے استحکام اور کشمیر کی آزادی کے لیے کسی قربانی سے دریغ نہیں کرئینگے۔مضبوط پاکستان ہی کشمیر کی آزادی کا ضامن ہے۔ پاک فوج کی قربانیوں، جرات و بہادری کو سلام پیش کرتے ہیں۔ان خیالات کا اظہار انہوں نے نانگی ہاوس میں یوم پاکستان کے حوالے سے منعقدہ تقریب سے بحثیت مہمان خصوصی خطاب کرتے ہوئے کیا۔ تقریب میں چودھری مظہر حسین آف نتھیا،سینئر نائب صدرانجمن آڑھتیاں سبزی منڈی سجاد مغل، چودھری کامران ، چودھری ساجد آف چھپراں،سٹی صدر پی پی پی میرپورچودھری وقاص اشرف ایڈووکیٹ ،چودھری عمر اکرم،چودھری مدثر کے علاوہ دیگر نے بھی شرکت کی۔