تحریک انصاف اور انتظامیہ کے درمیان جلسے سے متعلق معاملات طے

لاہور (نمائندہ جنگ) لاہور ہائیکورٹ، تحریک انصاف اور انتظامیہ کے درمیان جلسے سے متعلق معاملات طے پا گئے،جسٹس راحیل کامران شیخ نے تحریک انصاف کو مینار پاکستان جلسے کی اجازت دینے کی درخواست نمٹا دی، دوران سماعت عدالت نے ریمارکس دیئے کہ سیاسی سرگرمیتحریک انصاف کا حق ہے، عدالت سراہتی ہے کہ فریقین کے درمیان معاملات طے ہوگئے ہیں سرکاری وکیل کا موقف تھا کہ پی ٹی آئی کی جانب سے بیان حلفی اور انڈر ٹیکنگ دے دی گئی تحریک انصاف کے وکیل کا موقف تھا کہ 25 مارچ رات کو دس بجے جلسہ شروع ہوگا جو 26 کی صبح تک جاری رہے گا وکیل پی ٹی آئی کی استدعا تھی کہ 23 مارچ کو ہمیں مینار پاکستان تک رسائی دے دیں، ڈپٹی کمشنر نے عدالت کو بتایا کہ ان کا کام جمعرات سے شروع ہو جائے گا، ان کو ایک محدود ایریا دیں گے، اور خاص ایریا کو کوارڈن آف کریں گے،ڈپٹی کمشنر کی جانب سے عدالت کو یقین دہانی کرائی گئی کہ انتظامات کے لیے معقول وقت دیا جائے گا عدالت نے. استفسار کیا کہ سکیورٹی کا کیا بنے گا؟ سی سی پی او لاہور نے عدالت کو یقین دہانی کرائی کہ جلسے کیلئے مناسب سکیورٹی فراہم کریں گے۔