گجرات ،مفت آٹا کے حصول کی خواہش، ایک اوربزرگ خاتون جاں بحق

گجرات (آئی این پی ) آٹا حاصل کرنے کی خواہش میں ایک اور بزرگ خاتون جان سے ہاتھ دھو بیٹھی۔ گجرات میں آٹا پوائنٹ پر بدنظمی کے دوران خاتون جاں بحق جبکہ دو خواتین زخمی ہوگئیں۔ زخمی خواتین کو اسپتال منتقل کر دیا گیا۔ خیال رہے کہ دو روز قبل بھی کوٹ ادو میں آٹے کے انتظار میں قطار میں کھڑی خاتون زندگی کی بازی ہار گئی جبکہ ملتان میں دل کا دورہ پڑنے سے بزرگ شہری کی جان چلی گئی تھی۔ کوٹ ادو کے علاقے چوک سرور شہید میں غریب ماں اپنے بچوں کا پیٹ بھرنے کی خاطرتپتی دھوپ میں مفت آٹے کیلئے قطار میں کھڑی رہی۔ کھڑے کھڑے حالت خراب ہوئی اور اسپتال پہنچنے سے پہلے خاتون دم توڑ گئی۔ ملتان میں مفت آٹے کے حصول کے لیے گھنٹوں قطار میں کھڑے رہنے کے باعث دل کا دورہ پڑنے سے بزرگ شہری کی جان چلی گئی۔