اسلام آباد(فاروق اقدس/نامہ نگار خصوصی) مصدقہ ذرائع سے معلوم ہوا ہے کہ وزارت خارجہ میں وسیع پیمانے پر اعلیٰ سطحی تقرریوں اور تبادلوں کےلئے مطلوبہ انتظامات اور اقدامات کئے جا رہے ہیں جس کا آغاز سعودی عرب میں متعین پاکستان سفیر امیر خرم راٹھور کو دارالحکومت ریاض میں ان کی ذمہ داریوں سے سبکدوش کرکے وزارت خارجہ میں رپورٹ کرنے کی ہدایت کی گئی ہے اور امیر خرم راٹھور آئندہ ہفتے اسلام آباد پہنچ جائیں گےواضح رہےکہ انہیں عمران خان حکومت کے آواخر میں ریاض میں سفیر تعینات کیا گیا تھا تاہم انہیں فوری طورپر واپس بلائے جانے کی وجوہات کا فی الوقت علم نہیں ہوسکا۔ ذرائع کے مطابق ان کی جگہ احمد فاروق کو سعودی عرب میں ذمہ داریاں تفویض کرنے کا امکان ہے جو اس وقت کوپن ہیگن میں سفیر کی حیثیت سے فرائض انجام دے رہے ہیں جرمنی میں متعین پاکستانی سفیر ڈاکٹر محمد فیصل جن کا برلن میں تعیناتی کا سفارتی دورانیہ مکمل ہو گیا ہے ان کی تقرری اب کسی دوسرے ملک میں کی جائے گی جبکہ ممتاز زہرہ بلوچ جو اس وقت وزارت خارجہ میں ترجمان کی حیثیت سے ذمہ داریاں انجام دے رہی ہیں ان کا بھی سفیر مقرر کئے جانے کا امکان ہے معین الحق جو چین میں پاکستان کی سفیر کی حیثیت سے اور برطانیہ میں پاکستانی ہائی کمشنر معظم احمد خان بھی تین سال کا دورانیہ مکمل کر چکے ہیں وزارت خارجہ کی ایڈیشنل سیکرٹری آمنہ بلوچ جو ملائیشیا میں ذمہ داریاں انجام دے رہی تھیں اب وہ یورپی یونین میں پاکستان کی نمائندگی کریں گی گریڈ 22میں ترقی پانے والی آمنہ بلوچ کا برسلز سے ایگریما بھی آ چکا ہے۔ روس میں تعینات پاکستانی سفیر شفقت علی بھی دورانئے کی مدت مکمل کئے جانے کے بعد واپس آ رہے ہیں جبکہ مصر،عراق اور تیونس سمیت کئی دوسرے ممالک میں بھی نئے سفیروں کی تقرریوں اور تبادلوں پر کام جاری ہے۔
لاہور محکمہ خزانہ پنجاب نے مالیاتی استحکام کی جانب متعدد کامیابیاں حاصل کی ہیں جن سے مالیاتی انتظام کو موثر...
اسلام آباد پاکستان میں مشروبات بنانے والی کمپنیوں نے گزشتہ 5سال میں صرف لاہور سے مجموعی طور پر 2ارب 60کروڑ...
اسلام آباد نیوز ایجنسی ) وفاقی وزیر خزانہ سینیٹر محمد اورنگزیب سعودی عرب کے تاریخی شہر العلا میں العلا...
پشاورپی ٹی آئی رہنمائوں کی تنقید کے بعد خیبرپختونخواحکومت کے ترجمان بیرسٹر سیف نے وزیراعلی کواستعفیٰ پیش...
اسلام آبادوزیر خزانہ سینیٹر محمد اورنگزیب سعودی عرب کے تاریخی شہر العلا میں ایمرجنگ مارکیٹس کانفرنس 2025 میں...
ڈی آئی خانجمعیت علماء اسلام کے سربراہ مولانا فضل الرحمٰن کی جان کو خطرہ لاحق ہونے کے پیش نظر پولیس نے تھریٹ...
ٹیکساس امریکی کانگریس میں ایک نیا بِل پیش کیا جا رہا ہے، جس کے تحت ان وفاقی ججز کے خلاف مواخذے کی کارروائی کا...
لاہور وزیراعلیٰ پنجاب مریم نوازشریف نے کہاکہ ایگریکلچر میکانائزیشن صرف آغاز ہے،سپر سیڈرز سےگندم کی بوائی...