وفاقی کابینہ کی اہم فیصلوں پر مشاورت ،زلمے خلیل زاد کے بیانات پر تحفظات کا اظہار

اسلام آ باد ( نیوز رپورٹر)وزیراعظم شہباز شریف کی زیر صدارت وفاقی کابینہ کے اجلاس میں اہم فیصلوں پر مشاورت کی گئی ، ذ رائع کے مطا بق ارکان کابینہ نے زلمے خلیل زاد کے بیانات پر سخت تحفظات کا اظہار کیا، بیوروکریسی کے افسران کو اجلاس میں شامل ہونیکی اجازت نہیں تھی،اجلاس میں الیکشن کمیشن کے خط کا تفصیلی جائزہ ، اتحادی جماعتوں کے سربراہی اجلاس کے فیصلوں سے آگاہ ، پارلیمنٹ کے مشترکہ اجلاس اور ارکان کی رائے اور پنجاب، خیبر پختونخوا میں الیکشن سے متعلق بھی غور کیاگیا، ذرائع کے مطابق کابینہ کے ارکان نے رائے دی کہ عام انتخابات پورے ملک میں ایک ساتھ ہونا چاہئیں،متعلقہ وزراء نےبریفنگ دی کہ دو صوبوں میں انتخابات کروانا ممکن نہیں ہے،سیکورٹی اور مالی صورتحال انتخابات کے حوالے سے مناسب نہیں ہے، حکومت کے پاس فنڈز کی کمی ہے اور آئی ایم ایف کے ساتھ مالی معاملات بات چیت چل رہی ہے،وفاقی کابینہ نے جنوبی وزیرستان انگور اڈہ میں دہشت گردوں سے لڑتے ہوئے جام شہادت نوش کرنے والے بریگیڈیئر مصطفی کمال برکی کو خراج عقید ت پیش کیا،ممبران کابینہ نے کہا کہ بریگیڈیئر مصطفی کمال برکی وطن کی عزت و حرمت پر قربان ہوگئے، قوم انہیں سلام پیش کرتی ہے۔ وفاقی کابینہ کابینہ نے دہشت گردوں سے بھرپور لڑائی پر جوانوں کو خراج تحسین پیش کیا۔