ٹرمپ کی گرفتاری کا امکان ، حکومت نے تیاری مکمل کرلی، شدید ردعمل کاخدشہ

واشنگٹن(مانیٹرنگ ڈیسک) سابق امریکی صدر ڈونلڈ ٹرمپ کی ممکنہ گرفتاری کے پیش نظر حکومت نے متوقع احتجاج اور شدید ردعمل سے نمٹنے کی تیاریاں کر لی غیر ملکی میڈیا کے مطابق نیویارک میں گرینڈ جیوری کے سامنے ڈونلڈ ٹرمپ کے فحش فلموں کی اداکارہ کو خاموش رہنے کے عوض رقم کی ادائیگی سے متعلق معاملے کی سماعت کے موقع پر نیویارک پولیس ڈیپارٹمنٹ کے تمام افسران کو با وردی ہوکر ڈیوٹی کیلئے تیار رہنے کے احکامات جاری کر دئیے گئےنیوریارک پولیس ڈپارٹمنٹ کی جانب سے سماعت کے موقع پر کسی تھریٹ کی عدم موجودگی کے باوجود بھی انتہائی حساس قرار دیتے ہوئے افسران کو ہائی الرٹ رہنے کی ہدایات جاری کی گئی ہیں۔ دوسری جانب واشنگٹن ڈی سی کی پولیس کی جانب سے بھی امن امان کی کشیدہ صورتحال کے پیش نظر حفاظتی اقدامات اٹھائے جا رہے ہیں۔ پولیس حکام کے جانب سے ہائی الرٹ کے احکامات سابق صدر ڈونلڈ ٹرمپ کی جانب سے اپنی سوشل میڈیا پوسٹس کے ذریعے گرفتاری کی صورت میں حامیوں کو دی جانے والی احتجاج کی کال کے بعد جاری کیے گئے ہیں۔