برطانیہ،مسجد سے نماز پڑھ کر نکلنے والے بزرگ کوآگ لگا دی گئی

برمنگھم (نیوز ڈیسک) برطانیہ میں نماز پڑھ کر مسجد سے نکلنے والے 70سالہ بزرگ کو آگ لگا دی گئی۔ برطانوی میڈیا کے مطابق برطانیہ کے علاقے برمنگھم میں بزرگ مسلمان کو نذر آتش کرنے والے مشتبہ شخص کو گرفتار کرلیا گیا ہے۔سوشل میڈیا پر سامنے آنے والی ویڈیو میں بزرگ کے مسجد سے باہر نکلنے کے بعد ایک نوجوان ان سے بحث کرتا نظر آرہا ہے۔ بزرگ کے کچھ دور جانے کے بعد ان کو آگ لگا دی گئی۔ولیس حکام کے مطابق 70سالہ بزرگ کو آگ لگانے کے شبے میں ایک شخص کو گرفتار کرلیا گیا ہے۔ بزرگ کو جیکٹ پر کیمیکل چھڑک کر آگ لگائی گئی۔انہیں زخمی حالت میں اسپتال منتقل کیا گیا ۔ بزرگ کا چہرہ آگ سے جھلس گیا تاہم ان کی حالت خطرے سے باہر ہے۔ واقعہ کی تفتیش برطانیہ کی انسداد دہشت گردی پولیس کر رہی ہے۔